Ciencia al día

Innovadora terapia para tratar o ictus isquémico desenvolvida no IDIS

Unha innovadora investigación realizada no Idis e no CiMUS da USC desenvolveu unha nova ferramenta terapéutica para o ictus isquémico, primeira causa de morbimortalidade na nosa contorna e cuxas opcións terapéuticas actuais seguen a ser limitadas. O estudo lidérao Alberto Ouro, do Grupo de Neuroenvellecemento do Idis que coordina Tomás Sobrino, xunto co Grupo NeurObesity do CiMUS encabezado polo profesor Miguel López.

Alberto Ouro.

A prestixiosa revista Metabolism publicou o estudo desta nova estratexia terapéutica baseada na inhibición selectiva da proteína AMPK cerebral mediante pequenas vesículas extracelulares, unha tecnoloxía que foi protexida por patente, co obxectivo de impulsar o seu desenvolvemento terapéutico e posterior aplicación clínica. 

O ictus isquémico é unha das principais causas de discapacidade e mortalidade no mundo. Aínda que se sabe que fumar aumenta o risco de sufrir un ictus, e debe evitarse, investigación recentes dos grupos composteláns observaron que os pacientes fumadores poden presentar unha mellor recuperación funcional tras sufrir un infarto cerebral, un fenómeno coñecido como a “paradoxo do fumador no ictus”. O presente estudo demostra que a nicotina ten un efecto neuroprotector ao inhibir a proteína AMPK no cerebro, reducindo o dano isquémico e mellorando a recuperación neurolóxica e funcional en modelos animais de isquemia cerebral.

Non obstante, dado que a administración de nicotina trae consigo importantes riscos para a saúde, os investigadores desenvolveron unha alternativa terapéutica baseada na administración de vesículas extracelulares deseñadas para inhibir de maneira específica a isoforma AMPKα2 no cerebro. Os resultados mostran que este enfoque reduce significativamente a lesión cerebral e mellora as funcións motoras e cognitivas en modelos experimentais de ictus.

“O noso estudo suxire que a inhibición de AMPK no cerebro pode ser unha estratexia terapéutica efectiva para o ictus isquémico. As vesículas extracelulares representan unha ferramenta prometedora para desenvolver terapias máis seguras e dirixidas”, destaca Ouro.

Para trasladar estes resultados ao ámbito clínico, os investigadores rexistraron a patente EP24382172.5, que protexe o uso de vesículas extracelulares no tratamento do ictus. “O obxectivo é avanzar no desenvolvemento desta terapia e facilitar a súa chegada aos pacientes, superando os retos de toxicidade, escalabilidade e produción a nivel clínico”, explican os autores, que destacan a necesidade de realizar máis estudos para avaliar a seguridade e eficacia desta estratexia en humanos, coa fin de desenvolver novas terapias para os pacientes con ictus.

Iñaki Moreno

Entradas recientes

Quinto aniversario del Covid-19: las cuatro lecciones que dejó la pandemia

El presidente de Asomega, Julio Ancochea, expone en una entrevista en OndaMadrid sus reflexiones a…

9 horas hace

La Red TBS-Stop Epidemias analiza las claves para defender la salud global

El 24 de marzo la sede del Consejo General de Colegios Oficiales de Médicos acoge…

1 día hace

Premio Nóvoa Santos de Asomega: una garantía de excelencia investigadora

A pocos días de que se cierre el plazo para presentar candidaturas para la 24ª…

1 día hace

Asomega, presente en el desarrollo de la primera norma de calidad asistencial en glaucoma

Coincidiendo con la celebración de la Semana del Glaucoma se lanza la norma GlauCCare en…

2 días hace

Asomega reivindica el derecho a un aire limpio junto a otras 30 entidades de Europa y América

Reivindicar el derecho a respirar aire limpio es el fin de esta iniciativa de Fundación…

3 días hace

Fundación Recover y la UAM se alían para formar a personal sanitario en el Sáhara

Asomega Axuda se involucra con Fundación Recover y la UAM en este proyecto en campamentos…

4 días hace